Quiles e Lucas Pérez, sociedade letal
Unha xogada entre os dous dianteiros propiciou o triunfo do Deportivo ante o Ceuta
Lucas Pérez non xogará ante o Córdoba por sanción
O Deportivo sumou un novo triunfo en Riazor que o achega a dous puntos do primeiro posto, esa praza que ocupa agora o Alcorcón, próximo visitante do feudo coruñés.
Chegaba o Ceuta coa bitola de ser un dos mellores equipos da segunda volta, estivo moi serio en defensa pero acabou perdendo por 1-0 nunha acción que argallaron os dous dianteiros máis determinantes da liga. Quiles marcou o seu décimo cuarto gol da temporada logo dunha asistencia de Lucas. A única mala nova foi o cartón que viu o de Monelos, que non poderá xogar a vindeira xornada en Córdoba.
No primeiro tempo houbo poucas ocasións. Só un lanzamento de Soriano que rexeitou Mejías como principal argumento. A segunda parte quedou condicionada polo gol marcado por Quiles no minuto 53. O Deportivo mereceu aumentar a conta, pero tamén sufriu nun achegamento do visitante Pablo García, que puido lograr o empate.
