Veciños de Nigrán quedan sen un camiño que usaban desde hai medio século

Veciños do barrio da Camesella en Nigrán están a desenvolver mobilizacións xa que consideran que un novo propietario incorporou un camiño histórico á súa propiedade  para poder edificar. 
Lembran usar o camiño desde hai  máis de cincuenta anos, agora xa non o poden facer. Polo  de agora a xustiza non lles está a dar a razón con dúas sentenzas en contra.

Toda a vida empregando o camiño e consideraban que era público, ata que o novo propietario o pechou. Algún veciño tamén apunta que viron documentos en que o predio adquirido tiña inicialmente cen metros menos que os que figuraron inicialmente. Os veciños  que se están a mobilizar contan co apoio da asociación de veciños de San Pedro da Ramallosa. O tesoureiro afirma tamén que recentemente fixeron un inventario de vías en que o camiño figuraba.

Quen non lles dá a razón é a xustiza nin o actual propietario. Un dos afectados é o músico Amaro Ferreiro, que perdeu un dos accesos á súa vivenda.

Xa iniciaron conversas co concello e probablemente o novo paso xudicial será reclamar a servidume, que semella recoñecida polos testemuños veciñais.