A Xunta advirte de que acudirá á xustiza se Costas insiste na anulación de concesións
A Xunta advirte de que acudirá á xustiza se Costas insiste na anulación de concesións
Rosa Quintana cre que o Ministerio de Transición Ecolóxica invade competencias da Administración galega
Un informe da Dirección Xeral de Costas sobre o plan especial do porto de Cambados deixa caer que non se renovarán as concesións de tres depuradoras situadas en terreos de Portos de Galicia.
Segundo a conselleira do Mar, o Ministerio para a Transición Ecolóxica está a invadir competencias da comunidade autónoma. Rosa Quintana reuniuse esta mañá para analizar co sector mar-industria o que considera unha nova agresión por parte de Costas á industria galega.
Segundo Rosa Quintana, os plans do Executivo estatal poñen en risco unhas 5.000 construcións do litoral. Dende o sector mar-industria insisten en que non poden afastarse da costa e pídenlle ao ministerio seguridade xurídica.
A conselleira do Mar anunciou a intención de abrir unha mesa de diálogo co Ministerio e advirte que, se non hai consenso, recorrerán aos tribunais.
