Patxi López, novo voceiro do PSOE no Congreso e Pilar Alegría voceira do partido

O exlehendakari e deputado socialista Patxi López será o novo portavoz do Grupo Parlamentario Socialista no Congreso en substitución de Héctor Gómez, segundo confirmou a través dunha mensaxe na rede social Twitter.

Es un honor y un reto apasionante asumir la portavocía del @gpscongreso. ⁰
Desde el diálogo trabajaré para alcanzar acuerdos que protejan a la clase media y trabajadora de este país.

Gracias por la confianza, Presidente @sanchezcastejon.⁰#GobernarParaTransformar_

— patxilopez (@patxilopez) July 21, 2022

Este cambio na portavocía da Cámara Baixa farase oficial este sábado, 23 de xullo, durante a celebración do Comité Federal, no que está previsto que tamén aborden a estrutura da Comisión Executiva Federal e do grupo parlamentario do Senado.

"É unha honra e un reto apaixonante asumir a portavocía do Grupo Socialista no Congreso", escribiu López, que agradeceu a confianza ao presidente do Goberno Pedro Sánchez. López asegurou que traballará "desde o diálogo" para alcanzar "acordos que protexan a clase media e traballadora deste país".

A ministra de Educación Pilar Alegría será a nova portavoz do PSOE en substitución do deputado Felipe Sicilia, segundo confirmou a través dunha publicación no seu perfil de Twitter.

Gracias @sanchezcastejon por confiar en mí para ejercer de portavoz del @psoe. Es un honor ser la voz de este gran partido

Gracias @felipe_sicilia por tu trabajo este tiempo

Y a todos los militantes, vuestro cariño es la fuerza#GobernarParaTransformar_

— Pilar Alegría (@Pilar_Alegria) July 21, 2022

Son os primeiros cambios que decide o presidente do Goberno e líder socialista Pedro Sánchez despois da dimisión de Adriana Lastra como vicesecretaría xeral do partido.

A remuda vai afectar a toda a dirección do PSOE, incluínda a secretaría de organización e o voceiro do partido. A intención de Pedro Sánchez é que, desde o un de setembro, o PSOE estea centrado nas campañas electorais do 2023.