Os xefes de servizo dos hospitais denuncian unha situación de "maltrato profesional"

Os internistas cuestionan a política do Sergas. Os xefes dos servizos de medicina interna de polo menos nove hospitais galegos -todos agás a de Ourense, porque dimitiu- remitiron unha carta a Sanidade denunciando, din, una "situación de maltrato profesional".

Quéixanse da sobrecarga de traballo, non só pola covid, senón polo avellentamento da poboación e polo aumento de enfermos crónicos. Un traballo extra que non está a ser apoiado con máis persoal, nun cadro, din, "deficitario xa de seu".

Piden aumentar o número de prazas MIR, estancadas dende hai unha década. Denuncian tamén a pouca utilidade do novo contrato para internistas substitutos, que os leva a ter que traballar, no período dun ano, polo menos 4 meses en hospitais comarcais. A Consellería citou para hoxe a todos os xefes de servizo de medicina interna para abordar a situación.