Os díscolos con Pérez Jácome forman un novo partido político
Os díscolos con Pérez Jácome forman un novo partido político
Preséntase como un partido centrista e progresista
Preséntase en Ourense un novo partido que recolle os díscolos de Democracia Ourensana. Coalición de Centro Democrático preséntase como un partido centrista e progresista que desembarca na cidade cos personaxes políticos máis enfrontados agora con Pérez Jácome.
Miguel Caride parece, polo momento, non formar parte deste novo partido. As concelleiras María Dibuja e Maite Garrido ou o asesor que denunciou a Jácome, Bruno Blanco, son algúns dos nomes deste novo partido.
O alcalde da cidade, Gonzalo Pérez Jácome, xa se referiu á creación deste novo partido para o que prognosticou non máis dun cento de votos nas eleccións.
O partido Coalición de Centro Democrático fundouse no ano 2010, nos últimos anos a formación recolleu antigos membros de Ciudadanos e agora tamén os díscolos de Democracia Ourensana. Aquí preséntanse como Centristas por Ourense.
