Once persoas feridas nun acoitelamento múltiple nun hipermercado norteamericano

Polo menos once persoas quedaron feridas nun acoitelamento múltiple rexistrado nun hipermercado de Míchigan, nos Estados Unidos norteamericanos.
O suceso produciuse pouco antes das seis da tarde deste sábado, nun centro da cadea Walmart, cando un home comezou a atacar cun coitelo á xente que estaba no lugar.

A Policía de Michigan non facilitou, polo momento, nin a identidade nin os posibles motivos do agresor

A consecuencia do ataque foron atendidas no hospital da zona once persoas, tres das cales tiveron que ser operadas de urxencia. A policía detivo ao agresor, do que non facilitou nin a identidade nin os posible motivos do ataque.