O vigués Jonatan Giráldez ficha polo OL Lyonnes
Na súa primeira tempada levou ao Spirit á final da NWSL. En marzo deste ano, gañou a Challenge Cup, o seu primeiro título nos Estados Unidos
O adestrador galego Jonatan Giráldez, ata o de agora no Washington Spirit da NWSL, fichou como novo técnico do OL Lyonnes de Francia, segundo anunciou este luns o club estadounidense nun comunicado.
Washington Spirit e OL Lyonnes forman parte do mesmo grupo, propiedade da empresaria estadounidense Michele Kang. O club anunciou, ademais, que o ata o de agora segundo de Giráldez en Washington, o tamén español Adrián González, quedará a cargo do banco do Spirit de aquí en diante.
Giráldez chegou ao Spirit hai xusto un ano, tras alzar a súa segunda Liga de Campións feminina e terceira Liga nas tres tempadas que dirixiu ao Fútbol Club Barcelona.
Na súa primeira tempada levou ao Spirit á final da NWSL. En marzo deste ano, gañou a Challenge Cup, o seu primeiro título en Estados Unidos.
💥 OL Lyonnes informe de la nomination de Jonatan Giráldez en tant que nouvel entraîneur principal du club pour une durée de trois saisons.
— OL Lyonnes (@ol__lyonnes) June 2, 2025
