O triunfo viral dos saberes tradicionais galegos

​​​​​​Luis do Río, mozo divulgador da cultura tradicional galega, explícanos o que ten entre masns: un enredo ou xogo que consiste en coller un pauciño e meterlle unha folla dentro. Logo ao soprar bate e vibra e soa...é un xogo que loce moito, asegura para explicar o seu éxito en redes.

Con este cantagalos, Luis chegou a facerse viral nas redes en 2023. Actualmente xa ten 50 mil seguidores e segue sumando cos seus vídeos de brinquedos, de como enrestrar cebolas ou de como facer unha gaita cunha palla.

Neste caso é avea brava ou bouba que son uns cilindros que teñen nos. Ábrese unha menbrana, queda unha lapeliña e cando corre o aire vibra e fai ruído.

Ten publicada unha investigación sobre o sancosmeiro e o seu último libro, publicado en abril, recolle o que aprendeu da cesteiría de madeira, case extinta.

​​​​Este cesto está feito todo con lamas de madeira, non ten vimbios, non ten pólas. Falarmos de que madeira vale, de como se abre, de como se labra e de como se emprega para traballar nesta cesteiría.

A súa curiosidade polos saberes tradicionais non ten límite desde que era un neno cando aprendía do seu avó Arturo que actualmente, aos seus 90 anos, están moi orgulloso do neto.

​​​Síntome moi orgulloso del e de que teña interese polas cousas nosas de Galicia porque xa os nosos antergos, hai milenios, usaban os produtos da natureza.

Pola súa parte, Luis enórgullécese de facer que a xente saia ao monte pero agora quere cultivar a súa faceta de músico coas súa gaita aínda que di, non vai deixar de preguntar e aprender do seu redor.