Os puntos de tests de antíxenos reciben a visita de contactos estreitos e precavidos
Nas provincias de Ourense e Pontevedra realízanse tamén cribados itinerantes
Nos puntos instalados nos aeroportos haberá que acreditar ser viaxeiros
O da estación intermodal de Santiago é un dos 32 puntos de realización de tests de antíxenos de balde aos que se poden dirixir todas aquelas persoas, sen necesidade de acreditar ser viaxeiros, que sexan asintomáticas e que non pasasen a enfermidade para comprobar se son positivos a través dunha proba de saliva.
Algúns dos que acudían esta mañá facíano preocupados tras ser contacto dalgún positivo. Outros, aproveitando que é de balde e por precaución.
No caso dos puntos habilitados nos aeroportos será preciso acreditar ser viaxeiros. O acceso ao resto dos operativos require nalgúns casos de autocita a través da páxina web do Sergas.
Ademais, nas provincias de Ourense e Pontevedra funcionan puntos de cribado itinerantes para facilitar que a proba chegue á maior parte da poboación interesada.
