O Rácing dá por feito que xogará na Malata contra o Spórting

A falta dun pronunciamento oficial da Liga, e tras varias inspeccións, no Rácing dáse por feito que a Malata vai albergar a estrea dos de Cristóbal este domingo na casa fronte o Spórting

Están os racinguistas enchidos de moral. A colleita de catro puntos nas dúas primeiras saídas da temporada é unha mensaxe moi clara dos verdes aos seus competidores. O Rácing non vén de paso á Segunda División, así o afirma Sergio Cubero

"Desde a humildade e desde a confianza suficiente"

"Sabemos o que podemos dar"

Superados os 7.300 socios, o racinguismo prepara xa a que agarda sexa a primeira gran festa da temporada na Malata.