Lucas Pérez, que se recupera dunha tuberculose, marcha do PSV

O PSV anunciou este mércores que o dianteiro galego Lucas Pérez, que se recupera dunha tuberculose padecida o pasado mes de marzo, non continuará no equipo a tempada 2025-26.

Un anuncio que coincide co peche da investigación sanitaria aberta polo GGD Brabant-Zuidoost no club neerlandés, a cal revelou que a última toma de mostras revelou “un resultado negativo” do resto de xogadores do plantel.

“Volvo estar san, traballo moi duro para estar a lume de biqueira a próxima tempada e estou moi contento de volver”, declarou Lucas Pérez aos medios oficiais do PSV.

O PSV tamén agradece ao excapitán do Deportivo o seu “compromiso” durante a súa etapa no club e deséxalle “o mellor” no futuro.