O Ourense C. F. saca un traballado empate de Guijuelo cun home menos (1-1)
O Ourense C. F. saca un traballado empate de Guijuelo cun home menos (1-1)
Jerín adiantou os das Burgas, pero a expulsión de Facu cambiou o partido
Asiel Mateo igualou na segunda metade á saída dun córner
O Ourense C. F. colócase de líder a falta de que xogue o Pontevedra
O Ourense C. F. sacou un empate do Luis Ramos de Guijuelo, que lle permite durmir como líder a falta de que xogue o Pontevedra. Foi nun partido que dominou na primeira metade, e no que se adiantou cun gol de Jerín. As ocasións máis claras deste primeiro tempo foron dos ourensáns, pero a expulsión de Facu, aínda na primeira metade, condicionou o resto do choque.
O Guijuelo buscou o gol con insistencia na segunda metade, e atopou o premio. Foi á saída dun córner que rematou á rede Asiel Mateo. No resto do partido, os locais seguiron creando ocasións, pero o empate a uns xa non se moveu.
