O mundo chora a morte de Pelé, un mito que transcendeu o deporte
O mundo chora a morte de Pelé, un mito que transcendeu o deporte
Mandatarios, deportistas, todos recoñecen o legado que deixa o astro brasileiro
As portadas de todos os xornais do planeta están dedicadas 'ao Rei'
Deixounos aos 82 anos Pelé para moitos o mellor futbolista da historia. A primeira estrela mundial que deu o fútbol, o home que cambiou este deporte.
Pelé foi a figura pública máis importante que deu O Brasil e, desde logo, un adiantado ao seu tempo. Dotado dun físico portentoso, cambiou o fútbol por completo. Actor, embaixador das causas perdidas, ministro, etc. Levou o fútbol aos Estados Unidos, foi recibido na Casa Branca polo presidente Ford.
Pelé era o último mito vivo do fútbol despois do adeus de Alfredo Di Stéfano, Johan Cruyff e Diego Armando Maradona.
A morte de Pelé acapara as portadas dos xornais en máis de medio mundo. O adeus do Rei é o asunto principal nas portadas da prensa deportiva, pero tamén aparece como gran titular nas grandes cabeceiras en Europa, Estados Unidos e especialmente na prensa do Brasil.
