O Lugo colle aire cun importante triunfo sobre o Burgos
Alberto Rodríguez e Chris Ramos marcaron os goles galegos
O Burgos apañou a súa primeira derrota, e acabou con dez por expulsión de Curro
Chegaban ao Anxo Carro un Lugo moi necesitado, que sumaba sete xornadas sen gañar, e un Burgos invicto e co liderado a tiro. Pero o que se viu sobre o campo foi algo moi diferente, e deu como resultado un triunfo balsámico do equipo de Hernán Pérez.
O técnico introduciu catro cambios no seu once titular. Un deles, Ze Ricardo, sacou a falta á media hora que levaba á rede Alberto Rodríguez. Unha gran cabezada do defensa que despexaba o camiño para os locais.
A volta do descanso chegaba unha acción decisiva. A presión de Chris Ramos daba como resultado o roubo do dianteiro, que establecía o dous a cero. A acción foi protestada porque o balón deu na man do lucense, pero o árbitro, previa consulta co VOR, deu validez ao gol. Xa no treito final do encontro foi expulsado Curro. O Lugo sumaba así a terceira vitoria da temporada, e causaba a primeira derrota da gran revelación da Liga, o Burgos.
