O Lugo, a un triunfo de acadar o obxectivo da permanencia

Quedan cinco xornadas para o final da competición en Segunda e ao Lugo sáenlle as contas. Ten que conseguir unha vitoria para acadar a permanencia de xeito matemático. Mellor cando antes, así que centran toda a súa enerxía no partido do domingo diante do poderoso Tenerife (Anxo Carro, 18:15 horas). 

Manu Barreiro, un dos xogadores que mellor sabe o que custa acadar os puntos necesarios logo de dúas permanencias agónicas nos últimos partidos, quere deixar resolta a situación canto antes para poder vivir un mes de maio tranquilo.