O IBEX 35 sobe un 0,92 % e recupera os 17.200 puntos, mentres o petróleo segue á alza

O IBEX 35, principal selectivo da bolsa española, subiu este martes un 0,92 % e recuperou o nivel dos 17.200 puntos pese ao aumento das tensións en Oriente Medio e o incremento do prezo do petróleo, mentres se mantén á espera das decisións dos bancos centrais.

O selectivo español sumou 157,7 puntos, ata os 17.247,1 enteiros e reduce as caídas anuais ao 0,35 %.

A bolsa española arrincou cunha repunta do 0,17 %, que foi incrementando ata chegar a superar a barreira dos 17.300 puntos. Con todo, no último tramo da sesión perdeu fol para terminar con esa subida do 0,92 % a pesar da apertura alcista de Wall Street.

O prezo do barril de brent, o cru de referencia en Europa, sobe case o 2 % por encima dos 102 dólares, mentres que o Texas, de referencia nos Estados Unidos, faino o 1 % nos 94,5 dólares o barril.

Dos grandes valores do IBEX 35, Repsol gañou un 3,73 %; Telefónica, o 1,66 %; Iberdrola, o 1,42 %; Santander, o 0,89 %; e BBVA, o 0,17 %; mentres que Inditex perdeu o 0,12 %.

As principais bolsas europeas pechan tamén con avances

O resto das principais prazas europeas tamén pecharon con avances co euro por encima dos 1,15 dólares.

Milán sumou o 1,22 %; Londres, o 0,83 %; Frankfurt, o 0,71 %; e París, o 0,49 %.