Publicador de contidos

Publicador de contidos

O Goberno apraza a votación do novo modelo de residencias tras o rexeitamento das comunidades

O Goberno apraza a votación do novo modelo de residencias tras o rexeitamento das comunidades

Madrid, Galicia, Andalucía, Murcia, Cataluña ou País Vasco expresaron a súa oposición á reforma

Algúns gobernos autonómicos pediron máis tempo para seguir debatindo o documento

G24.gal 25/05/2022 17:38 Última actualización 25/05/2022 17:59

O ministerio de Dereitos Sociais non conseguiu sacar adiante o acordo sobre o novo modelo de residencias e de atención ás persoas con dependencia tras as críticas de varias comunidades autónomas, e aprazou ata xuño a votación para seguir negociando o documento.

O Goberno e as comunidades tiñan previsto aprobar este mércores, na reunión extraordinaria do Pleno do Consello Territorial de Servizos Sociais, o acordo de acreditación e calidade dos centros e dos servizos de atención á dependencia.

O documento proposto polo departamento de Ione Belarra fora debatido na Mesa de Diálogo Social e consultado con entidades sociais, sociedades científicas e profesionais, pero ten que recibir o apoio das comunidades, coa competencia das políticas sociais.

Algúns gobernos autonómicos pedían máis tempo para seguir debatendo o documento, o secretario de Estado de Dereitos Sociais, Nacho Álvarez, decidiu pospoñer a votación prevista, co obxectivo de acadar un acordo ao longo do mes de xuño.

As comunidades gobernadas polo PP, Madrid, Galicia, Andalucía e Murcia, expresaron a súa oposición á reforma de Belarra, pero tamén Cataluña e País Vasco, as dúas gobernadas polos socialistas Estremadura e Castela-A Mancha.
 

Publicidade
Publicidade
Publicidade