O expresidente madrileño Ignacio González senta no banco dos acusados polo caso Lezo
Comeza na Audiencia Nacional o xuízo contra o exdirixente popular por presuntas irregularidades nas adxudicacións de obras en beneficio da súa familia
González estivo máis de seis meses de prisión provisional en 2017 en relación con este caso
A Fiscalía pide para el seis anos de cadea
Arquivo/Eduardo Parra/Europa Press
A Audiencia Nacional inicia este martes o primeiro xuízo ao expresidente da Comunidade de Madrid Ignacio González polo caso de corrupción Lezo, relacionado co PP, polo que foi detido en 2017 e estivo máis de seis meses en prisión provisional.
A Fiscalía Anticorrupción pide nas súas conclusións provisionais seis anos de prisión para Ignacio González, para un irmán e un cuñado seus e para outros dous acusados por dous supostos delitos de suborno, por tentar amañar contratos en beneficio da súa familia.
En concreto, acúsano de irregularidades nas adxudicacións das obras dun campo de golf en terreos do Canal de Isabel II, a empresa pública de augas de Madrid que presidiu entre 2003 e 2012 cando era vicepresidente autonómico.
