Dj Mil presenta novo traballo discográfico

Osos & pandeiretas é un EP formado por 6 temas en que as músicas que conforman as súas influencias empapan cada beat. Moito funk, moito drum & bass, e tamén, por suposto, rock, house, rap.  

Conta, ademais, coas colaboracións de artistas coma Cibrán de Boyanka Kostova, o mozambiqueño Moyah, o poeta, rapeiro e filmmaker mexicano e asentado nos EUA, Bocafloja. Tamén participan no traballo os rapeiros Hermano L, dende Mallorca e Jamas, integrante dos Dios Ke te Crew. O dsico xa está para a súa escoita en todas as plataformas de música en Internet.