O Deportivo contactou con Alessio Lisci para adestrar a próxima campaña, segundo a RG
O italiano é o adestrador do Mirandés, revelación da temporada, e ten contrato ata o 30 de xuño
No Deportivo, tras a derrota de Santander chega o Albacete a Riazor. Quedan 15 puntos en xogo e coa permanencia virtual e o play off inalcanzable, no aire está a continuidade de Óscar Gilsanz a vindeira temporada.
Segundo adiantou Javi Torres na a Radio Galega, o Deportivo tería contactado con Alessio Lisci, adestrador do Mirandés de cara a vindeira campaña. O italiano ten contrato ata o 30 de xuño.
Con todo, Gilsanz ten por diante cinco partidos no que o obxectivo é acadar o mellor posto posible. O de Betanzos leva dez vitorias, dez empates e unicamente cinco derrotas co Deportivo, veremos con que números acaba a temporada e se estes son suficientes para a súa continuidade.
