O Deportivo busca manter mañá o paso triunfal contra o Castellón (18:30h)

O Deportivo non quere baixar o ritmo. Leva sete vitorias consecutivas, entre liga e copa, e defenderá o liderado este domingo en Riazor ante o Castellón. A acumulación de partidos está a provocar o reparto de minutos entre un cadro de xogadores moi motivado e que responde en cada compromiso ás esixencias de Antonio Hidalgo.

Todos están activados e motivados para o encontro ante un Castellón que ocupa posto de playoff. Desde a chegada de Pablo Hernández ao banco, o equipo castellonenco leva sete triunfos en once partidos. E gañou nas tres últimas xornadas.

Riazor vivirá un choque de altos voos entre dous equipos que están no seu mellor momento.