O Deportivo anuncia a campaña de abonados ante numerosas críticas

O Deportivo presentou a súa campaña de abonados para o retorno a primeira división. O plazo de renovación comezou onte día 8 e rematará o domingo 26 de xullo. Haberá dous plazos para cambios, un antes e outro despois do comezo de liga (29 de xullo-12 de agosto salvo fines de semana, e do 17 de agosto ao 21). As novas altas, se é posible que haxa, poñeranse en marcha a partir do 24 de agosto.

En canto aos prezos, a campaña presenta unha subida media do 40%, con incrementos entre 130€ e 235€. Para as renovacións (do abono xeral), o prezo máis barato é para 'Pabellón inferior' por 320€, e o máis caro é o de 'Tribuna superior' cun prezo de 880€. No caso das altas o prezo dos abonos será entre 380€ e 1060€. A 'Grada Peñas' custará 430€ nas renovacións e 54€ nas altas.

Ante estas medidas e cambios, a Federación de Peñas Deportivistas emitiu na súa conta de X un comunicado no que convoca ao deportivismo hoxe ás 20:00 na Torre de Maratón. 

"A directiva xogou o seu partido e non reswpectou a nosa paixón. Agora nós tamén debemos demostrar que somos a mellor afección cunha reaccíon á altura"

Ademais, o Deportivo incorpora os carnés 'Deportivista' e 'Deportivista+', modalidades que serven para manter antigüidade e, no caso do 'Deportivista+', ter prioridade para facer o "abono con localidade cando haxa despoñibilidade". Tamén cambia o nome de 'Nen@ Dépor' a 'Dépor JR' e incorpora a penalización por "Compromiso de asistencia e Utilización do abono". Os abonados deberán ir a un mínimo de 15 partidos dos 19 de liga para poder ter "acceso a condicións preferenciais de renovación".