O Coruxo volve perder na casa e cae ao posto de 'play out' (1-2)
Youssef adiantou o conxunto vigués pero Jorge Delgado fixo un dobrete para os cántabros
O Coruxo volveu a perder como local, onde está a ter moitos problemas, e baixa a postos de play out. Con só dez puntos no campo do Vao e sete partidos sen gañar a dinámica do equipo é moi perigosa. No último partido perdeu por 1-2 diante do Raio Cantabria, filial do Rácing de Santander.
No primeiro tempo a mellor ocasión para para o equipo visitante nunha dobre oportunidade de Mirapeix e Marco. A segunda metade comezaba do mellor xeito cunha gran xogada de Chiqui culminada por Youssef.
Non puido aguantar a vantaxe o cadro dos irmáns Montes. Un xogador que entrou na segunda parte como Jorge Delgado marcou un dobrete (minutos 65 e 85) e o partido marchou para terras cántabras.
