O chairego Villares renova co Deportivo ata o 2025

No Deportivo acaban de renovar a Diego Villares ata 2025. O de Vilalba, de 25 anos, marcou esta fin de semana o seu primeiro gol coa camisola branquiazul ante o Tudelano. Subira ao primeiro equipo no inverno pasado dende o Fabril e consolidouse ás ordes de Rubén de la Barrera.

Esta temporada está consolidado no equipo titular de Borja Jiménez e desenvólvese en varias posicións, tanto no centro do campo como de lateral dereito.