O Celta de Giráldez iniciará a operación Reconquista diante do Raio Vallecano
O club mobiliza a afección na véspera dun partido que pode ser determinante para a permanencia
Este 28 de marzo debería ser o día da Reconquista en Vigo e no Celta apúntanse a este momento histórico. O domingo ante o Raio, e cun Balaídos que rozará o cheo, o celtismo arroupará ao seu novo adestrador, Claudio Giraldez.
Claudio segue recuperando efectivos, como Larsen e Starfelt, e segue contando con algúns xogadores do filial nesta semana de traballo. Hai varias incógnitas para o encontro: Estará Tapia en condicións de xogar? Gañarase Carles Pérez a titularidade despois do seu gol no Pizjuan?
Derrotar ao Raio suporía adiantalo na clasificación e seguir abrindo oco coa zona de descenso. De cara ao domingo, o Celta fai un chamamento ao celtismo. É a reconquista.
