O accidente de Carlos Sainz despexa o camiño para o quinto Dakar de Al-Attiyah
O accidente de Carlos Sainz despexa o camiño para o quinto Dakar de Al-Attiyah
Pesadelo en Audi co accidente que lle custou o abandono ao francés Stéphane Peterhansel e o choque que acabou coas opcións de Carlos Sainz
O catarí Nasser Al-Attiyah xa ve o camiño despexado cara ao seu quinto Rally Dakar despois da súa vitoria na sexta etapa, que estivo acompañada polo pesadelo de Audi co accidente que lle custou o abandono ao francés Stéphane Peterhansel cando mantiña un man a man co vixente campión, e o choque que acabou coas opcións de Carlos Sainz.
Os 358 quilómetros de especial entre Ha'il e Riad, que se reduciu nuns 100 quilómetros -ía ser a máis longa-, deixaron o Touareg ao alcance da man de Al-Attiyah. Só el pode perdelo.
Audi sufriu todos os contratempos posibles e houbo un gran beneficiado: Al-Attiyah. Ao accidente que lle custou o abandono a Peterhansel sumouse o de Sainz, ambos cara ao quilómetro 212, con apenas 100 metros entre un e outro. Catro quilómetros máis adiante, Al Rajhi detívose cun problema mecánico. A etapa e o Dakar despexábanselle ao campión.
