O 3º Festalent do Campus Industrial de Ferrol recolle unha ampla demanda de enxeñeiros

Moita carga de traballo no sector naval e industrial e un campus que prové de titulados e técnicos de todas as especialidades fan unha ecuación perfecta para pechar contratos laborais. Esa é a filosofía de FesTalent, que se celebra desde este xoves no Campus Industrial de Ferrol. Alí máis de 1.000 alumnos terán a oportunidade de entrar en contacto con máis de 50 empresas.

"Hai sectores moi variados porque no noso campus hai moitos graos de enxeñería e tamén titulacións únicas en Galicia como a de Xestión Industrial da Moda con titulados que tamén están a demandar moitas empresas da contorna", declarou Ana Ares, a Vicerreitora do Campus de Ferrol 

 "Hai demanda de titulados superiores, soldadores, caldeireiros, delineantes, tubeiros. Temos que lograr que os que formamos aquí, na FP e nas universidades, queden traballando en Galicia. Temos que reter o noso talento e que queden aquí", dixo Ana González, de ASIME.