Morren tres menores nun accidente de tráfico no Perelló (Tarragona)

Tres menores de idade morreron este domingo pola tarde nun accidente de tráfico. O turismo no que viaxaban saíu da vía e caeu por un barranco na estrada TV-3022 á altura do Perelló, na provincia de Tarragona. Logo o coche incendiouse.

O condutor foi trasladado ao hospital Vall d'Hebron en estado crítico. Os falecidos eran veciños de Camarles e ía a un partido de fútbol. Ata o lugar desprazáronse varias patrullas, un helicóptero medicalizado e catro ambulancias. Os Mossos d'Esquadra investigan agora as causas do sinistro.

Con estas tres vítimas, xa son 24 as persoas que morreron este ano na rede interurbana de estradas de Cataluña.