Morre un neno de catro anos ao caer desde un balcón dun cuarto andar en Madrid

Un neno de catro anos morreu en Parla (Madrid) ao caer desde o balcón da súa casa, desde un cuarto andar. A nai baixara un momento á rúa para darlle auga ao pai do neno.

Foi entón cando o neno se precipitou, a iso das 12:30 horas da mañá. Os propios pais levaron o neno ao hospital Infanta Cristina, onde ingresou cunha parada cardiorrespiratoria.

Os médicos só puideron confirmar a morte do pequeno e deron o aviso á Policía Nacional. Os forenses e a Policía Científica xa estudan que puido pasar.