Morre aos 70 anos Javier Marías, figura fundamental da literatura en español
Permanecía ingresado por complicacións derivadas dunha pneumonía
En marzo de 2021 publicou a súa décimo sexta novela, Tomás Nevinson
Era un dos eternos aspirantes ao Nobel de Literatura
O escritor Javier Marías faleceu este domingo aos 70 anos nun hospital de Madrid onde estaba ingresado por unha complicación da afección pulmonar que padecía, segundo confirmaron a EFE fontes da súa editorial. O 15 de agosto, a editorial Alfaguara informou de que o escritor e académico Javier Marías (Madrid, 1951) padecía unha afección pulmonar "da que estaba en proceso de recuperación".
"Ante a preocupación suscitada polo estado de saúde do escritor Javier Marías, comunicámoslles que padece unha afección pulmonar da que está en proceso de recuperación", sinalaba o comunicado, no que a editorial desexaba "unha pronta melloría" ao autor.
Javier Marías era autor de quince novelas, entre elas, El hombre sentimental (Premio Ennio Flaiano), Todas las almas (Premio Ciudad de Barcelona) ou Corazón tan blanco (Premio da Crítica, IMPAC Dublin Literary Award, Prix l'Oeil et la Lettre). Outras das súas novelas son Mañana en la batalla piensa en mí (Premio Rómulo Gallegos, Prix Femina Etranger, Premio Mondello, Premio Fastenrath), Berta Isla (Premio da Crítica, Premio Dulce Chacón, Mellor Libro do Ano en Babelia, en Corriere della Sera e en Público de Portugal) e Tomás Nevinson, o seu último libro, publicado en marzo.
No mes de decembro foi elixido membro internacional da Royal Society of Literature, a organización benéfica do Reino Unido para a promoción da literatura, da que forman parte, entre outros escritores, David Grossman, Annie Ernaux, Amin Maalouf e Olga Tokarczuk.
Unha vez coñecido o falecemento do escritor e académico, son innumerables as mostras de pesar desde o mundo da cultura, das artes e da política.
Descanse en paz. Su obra le mantendrá vivo en nuestro recuerdo ||| Muere el escritor Javier Marías a los 70 años https://t.co/93YBwowhFg vía @La_SER
— Miquel Iceta Llorens /❤️ (@miqueliceta) September 11, 2022
O presidente do Goberno Pedro Sánchez afirmaba nas súas redes sociais: "Déixanos un dos grandes escritores do noso tempo". Aseguraba que é un día triste para as letras españolas e enviaba o seu agarimo e afecto á familia e amigos.
Día triste para las letras españolas. Nos deja Javier Marías, uno de los grandes escritores de nuestro tiempo. Su inmensa y talentosa obra siempre será parte fundamental de nuestra literatura.
— Pedro Sánchez (@sanchezcastejon) September 11, 2022
Mi cariño a su familia y amistades en estos duros momentos.https://t.co/XQPZcCSl66
.
O líder do PP Alberto Núñez Feijóo sumouse ás mostras de pesar pola desaparición de Javier Marías e lembra o escritor como máximo expoñente da literatura contemporánea.
Hay personas que hubiesen merecido una prórroga. Se ha ido Javier Marías, magnífico novelista y hombre de enorme lucidez, uno de los máximos exponentes de la literatura contemporánea universal.
— Alberto Núñez Feijóo (@NunezFeijoo) September 11, 2022
Me sentido pésame a su familia y amigos. Descanse en paz.https://t.co/ziFbHv49Xq
