Miguel Román xa traballa en Afouteza coa ollada posta na vindeira temporada

Miguel Román xa traballa coa ollada posta na vindeira temporada. Mancado no mes de marzo coa rotura nunha deda, o de Gondomar quere estar a tope para comezar o traballo cos seus compañeiros o vindeiro 7 de xullo. Román adestra en solitario en Afouteza deixando atrás os problemas físicos que curtaron a súa brillante progresión. 

Na campaña da súa estrea en Primeira comezou cun papel secundario ata o mes de novembro. Pero o seu bo facer convenceu a Claudio que o incluiu no equipo titular na xornada 14 diante do Español e non soltou esa condición ata que se mancou. Encadeou catorce partidos seguidos, doce deles como titular, e pasou a ser un dos mellores sobre o terreo de xogo. O último partido no que puido participar foi diante do Real Madrid en Balaídos o pasado 6 de marzo. 

Superou os 2.000 minutos se temos en conta todas as competicións e marcou un gol, diante do Levante no minuto 90 que lle deu a vitoria ao Celta.