Mella someterase a unha avaliación en Madrid para ver se precisa intervención cirúrxica
O xogador, que nun principio tiña un edema óseo, podería ter unha lesión máis grave
Malas novas para o Deportivo en forma de lesión. Á pubalxia de Yeremay podería engadirse unha lesión de certa gravidade de David Mella. Tivo que retirarse no partido contra o Granada e nun principio os servizos médicos do cadro coruñés falaban dun "edema óseo no seu xeonllo esquerdo".
Pero os doutores realizaron unha segunda exploración que revelou que o alcance da lesión podería ser maior. Nun comunicado médico emitido polo cadro coruñés, aseguran que "por este motivo, David Mella será valorado en Madrid polo doutor Manuel Leyes. Após a devandita avaliación, determinarase o tratamento a seguir e se o xogador debe someterse a unha intervención cirúrxica".
Hidalgo: "Somos máis pesimistas que optimistas. Son as situacións máis fodidas"
No caso de ter que pasar polo quirófano estaría moi xusto para participar no que queda de campionato. Para o remate da liga regular quedan dous meses e medio e no caso de disputar o play off sería outro mes máis de competición.
