Mella chega preparado para xogar en Santander: “Fisicamente volvo moi ben”

O extremo David Mella, recentemente chegado de Chile, onde disputou o Mundial sub-20 coa selección española, ofreceuse ao técnico do Dépor, Antonio Hidalgo, para xogar de inicio este domingo ante o Racing no Sardinero porque fisicamente sente ao cen por cento e subliñou que “o Rácing ten moi bo equipo, tanto por bloque como por xogadores".

"Pero se nós xogamos ao cen por cento, creo que imos gañar este partido”, engadiu o futbolista galego.

Tamén admitiu vivir “con moitos nervios” os partidos do seu equipo na Liga durante a súa estancia no país suramericano.

“Vivino moi nervioso porque non podía velos. Entraba ás aplicacións de fútbol todo o intre para ver como ía o Dépor”, afirmou David Mella, que se reencontrará en Santander con Peio Canles, o futbolista do Athletic que xoga cedido no conxunto santanderino.

“Non apostei nada con el, pero si que quedamos en cambiarnos a camiseta ao acabar o partido. Do partido do domingo non falamos nada, non queriamos falar de fútbol nese momento”, asegurou.

O canteirán agradeceu as palabras que o seu adestrador dedicoulle durante a súa ausencia.

“Escoiteino, sempre é bo que falen ben de ti. Como canteirán que son gozo do día a día cun sorriso. Tento gozar dos días que me quedan aquí, que espero que sexan moitos máis”

Finalmente, David Mella dixo que o Dépor perde “moito” coa baixa por lesión de Ximo Navarro porque “é un futbolista que deixa a alma en cada partido”, pero ao mesmo tempo subliñou que “no persoal hai compañeiros que queren xogar e van ocupar ben ese sitio”.