Máximo respecto entre o Zamora e o Ourense C. F. (0-0)

Nin o Zamora nin o Ourense C. F. querían perder este partido. O que saíse derrotado podía quedar moi tocado no camiño cara ao ascenso directo, e o empate foi un resultado xusto e reflectiu o que aconteceu sobre o céspede do Ruta de la Plata. 

Moi poucos achegamentos de perigo en ambas as áreas. Só lanzamentos desde fóra que controlaron ben os porteiros. Esa foi a dinámica dun partido do cal saen con vida os dous conxuntos, pero quedan por detrás do Pontevedra, beneficiado nesta xornada por este empate e a súa vitoria.