Mario Soriano abre a conta goleadora do Deportivo cun dos goles da xornada
O gol chegou despois dunha xogada con dous pases co calcaño de Yeremay e Zakaria
A sensación no vestiario do Deportivo era de traballo ben feito. Foi unha vitoria clara en Granada e puido ser máis contundente si chegan a estar máis acertados no treito final do encontro.
Unha das xogadas da xornada foi o primeiro gol da temporada anotado por Mario Soriano. Chegou precedido dunha combinación con máis de vinte toques de balón e dous pases co calcaño xusto antes da definición de Soriano.
Escudero, a voz da experiencia dentro do grupo, subliñaba o gran partido realizado pero pedía "tranquilidade" porque a Segunda División é moi longa e traizoeira.
"Temos que ter ilusión pero sabendo a competición na que estamos, que podes ter quince puntos de vantaxe a falta de dez partidos e quedar sen o ascenso", asegurou o lateral esquerdo, autor do terceiro gol do partido.
