Máis de 2,2 millóns de cidadáns, convocados para renovar os 313 concellos de Galicia
Máis de 2,2 millóns de cidadáns, convocados para renovar os 313 concellos de Galicia
Tamén se decide a composición das deputacións provinciais
As eleccións municipais coinciden coas autonómicas en 12 comunidades
Galicia vota este domingo, a partir das nove da mañá, para renovar o poder municipal. Das urnas sairá a nova composición dos 313 concellos galegos. En total, 2.225.962 electores elixirán 3.721 concelleiros. Da votación sairá tamén a repartición dos 108 escanos das catro deputacións provinciais e os 8 postos de alcalde pedáneo.
As eleccións municipais celébranse simultaneamente en 8.131 concellos de toda España. Poden votar máis de 35 millóns e medio de electores para elixir 67.000 concelleiros. Quedarán sen votar nos 44 municipios de Castela e León, Navarra e Aragón, onde non se proclamou ningunha candidatura. Alí terán eleccións no prazo de 6 meses. As deste 28 de maio son as décimo segundas eleccións municipais da democracia.
Eleccións autonómicas
Os cidadáns de 12 comunidades están convocados tamén para elixir os representantes nos parlamentos autonómicos e nas asembleas rexionais. Celebran eleccións autonómicas no Principado de Asturias, Cantabria, Navarra, A Rioxa, Aragón, Madrid, Estremadura, Castela-A Mancha, Comunidade Valenciana, Rexión de Murcia e nas illas Baleares e Canarias.
