Liberdade provisional para o condutor que fuxiu tras atropelar un home en Ferrol
Liberdade provisional para o condutor que fuxiu tras atropelar un home en Ferrol
Está investigado por un delito de omisión do deber de socorro, imprudencia grave con resultado de morte e contra a seguridade viaria
A maxistrada do Xulgado de Instrución número 2 de Ferrol acordou a posta en liberdade provisional do condutor detido por fuxir tras atropelar un home de 52 anos na avenida das Pías o pasado venres.
Segundo decretou a xuíza, ten a obriga de comparecer cada quince días, non pode saír do territorio nacional, debe entregar o pasaporte, retiróuselle o permiso de circulación e ten prohibido conducir vehículos de motor.
Está investigado por un delito de omisión do deber de socorro, imprudencia grave con resultado de morte e contra a seguridade viaria.
Os feitos
O falecido saíra correr cando foi golpeado por un vehículo nos arredores da avenida das Pías, no barrio de Caranza. Logo foi trasladado inconsciente ao Complexo Hospitalario Universitario de Ferrol.
O condutor, que fuxiu nun primeiro momento, foi detido horas despois do atropelo. Segundo a Policía, deu positivo por consumo de estupefacientes.
A Policía Local de Ferrol tivo que publicar na rede social X fotografías da roupa e dos obxectos persoais da vítima para poder identificalo.
As pezas difundidas pola policía
