Irán ameaza con minar “todo o golfo Pérsico” se as súas illas son atacadas polos EUA

Irán ameazou este luns con minar todas as vías de acceso e roteiros de comunicación do golfo Pérsico se as súas illas son atacadas polos Estados Unidos, país que apuntou onte que está sobre a mesa a invasión da illa de Kharg, onde está o principal centro petroleiro de Irán.

“Calquera intento do inimigo de atacar as custas ou illas iranianas provocará, de forma natural e conforme a práctica militar habitual, o minado de todas as vías de acceso e rutas de comunicación no golfo Pérsico e as súas custas con distintos tipos de minas navais, incluídas minas flotantes despregables desde a costa”, advertiu o Consello de Defensa iraniano.

O órgano asegurou que se se chegase a ese extremo, “todo o golfo Pérsico pasaría durante longos períodos a unha situación similar á do estreito de Ormuz, é dicir, todo o golfo quedaría practicamente bloqueado”.

E nesas circunstancias o paso polo estreito de Ormuz para “países non hostís” será coordinado por Irán.

Agregou que toda a responsabilidade sería do “agresor”, en referencia os Estados Unidos.

A advertencia prodúcese despois de que onte o secretario do Tesouro, Scott Bessent, declarase que todas as opcións, incluíndo o envío de tropas para asegurar a illa de Kharg -que alberga a maior terminal de exportación de cru da república islámica-, están sobre a mesa.

O presidente estadounidense, Donald Trump, ameazou o sábado pola noite que "se Irán non abre totalmente o estreito nun prazo de 48 horas, a partir deste intre, Os Estados Unidos atacarán e arrasarán coas súas diversas centrais eléctricas”.

A República Islámica respondeu cun ton de desafío a Trump, ameazado á súa vez con atacar as instalacións enerxéticas no golfo Pérsico e bloquear totalmente o estreito de Ormuz.

Por este estratéxico paso circula transita o 20 % das exportacións globais de cru, que diminuíu enormemente desde o comezo d o guerra polos ataques iranianos o que disparado os prezos do petróleo.