Investigan a morte dun home ás portas do centro de saúde de Marín

En Marín, a Policía Nacional investiga o sucedido nas últimas horas no centro de saúde da localidade. Varios individuos pararon unha furgoneta ás portas do centro e alí abandonaron unha persoa.

Estaba aparentemente indisposto. Quen o acompañaba deu datos falsos sobre a súa identidade. Cando os sanitarios se achegaron cunha cadeira de rodas, a furgoneta marchou. Minutos despois certificouse a morte do home.