Investidura frustrada en Murcia despois de que Vox votara en contra do candidato do PP
Vox esixe a entrada no Goberno murciano para votar o candidato popular
Fernando López Miras terá que enfrontarse a unha nova invesdidura o vindeiro luns en que só precisará maioría simple
O Parlamento murciano rexeitou este venres a investidura do candidato do PP, Fernando López Miras, como presidente da comunidade autónoma con 24 votos negativos.
Este resultado produciuse ao facer efectivo Vox o seu anuncio de voto en contra.
López Miras contou unicamente co apoio dos 21 votos do Partido Popular, dous votos menos dos necesarios para a maioría absoluta.
Os trece deputados do PSOE, os nove de Vox e os dous de Podemos dixeron non á investidura de Fernando López Miras, quen terá que enfrontarse a unha nova votación o vindeiro luns, 10 de xullo, en que só necesitará maioría simple para resultar elixido, algo posible se finalmente Vox decidise absterse.
