Incidentes no Ensanche compostelán tras a manifestación coa que se pechou a folga xeral
Un grupo de manifestantes guindou material pirotécnico contra un edificio en construción da rúa Romero Donallo
Unha multitudinaria manifestación percorreu as rúas de Compostela na tarde deste mércores coa que se puxo fin a unha xornada de protestas convocada na capital co gallo da folga xeral.
Milleiros de persoas tomaron as rúas da cidade para reclamar salarios dignos unha solución ao problema da vivenda. A marcha, convocada para as seis da tarde, comezou media hora despois do previsto e percorreu as rúas do Ensanche compostelán.
Á altura da rúa Romero Donallo, un grupo de manifestantes guindou material pirotécnico e causou desperfectos nun edificio en construción mentres coreaban consignas reivindicativas.
De momento descoñécecese o alcance dos desperfectos. Tampouco se reportaron datos de detidos ou lesionados.
