Iker Losada continuará como celeste ata o 2025

O Celta segue confiando nos xogadores formados na súa canteira e acaba de renovar ao catoirense Iker Losada (2001) ata o ano 2025. Losada comezou a xogar no Celta en idade alevín e pasou por todas as categorías do club ata debutar co primeiro equipo con 18 anos. 

En idade xuvenil Losada converteuse nun habitual do equipo filial co que xogou máis de sesenta partidos e anotou 8 goles. A 21-22 está a ser a súa mellor temporada no segundo equipo celeste demostrando a súa polivalencia adaptándose a diferentes roles dentro do equipo de Onésimo Sánchez.