Gorka Santamaría, primeira fichaxe do Deportivo para a próxima temporada
O dianteiro vasco chega libre do Badaxoz e asina ata 30 de xuño de 2023
Gorka Santamaría converteuse hoxe en novo xogador do RC Deportivo ata o próximo 30 de xuño de 2023. O dianteiro vasco chega avalado polos seus 31 goles no últimas tres campañas co CD Badaxoz no terceiro chanzo do fútbol nacional, 15 deles na tempada recentemente finalizada.
Formado na canteira do Athletic Club, onde chegou con 10 anos, pasou ao Basconia durante dúas campañas, 2012-2013 e 2013-2014, sendo na segunda delas máximo goleador do grupo IV de Terceira División con 20 goles.
O novo dianteiro branquiazul acumula 183 encontros e 61 goles na terceira categoría nacional (sumadas Segunda B e Primeira RFEF), ademais de 10 choques e 3 tantos en play-offs de ascenso a Segunda e 50 partidos e 9 dianas na categoría de prata.
