Gonzalo Paciencia, cunha dobre lesión, estará seis semanas de baixa
Sofre unha rotura fibrilar de grao 2 no bíceps femoral da perna dereita
Paciencia sufriu tamén a fractura do cuarto e quinto metacarpianos da man dereita
O dianteiro celeste Gonçalo Paciencia sofre unha rotura fibrilar de grao 2 no bíceps femoral da perna dereita, segundo desvelan as probas que lle realizaron hoxe os servizos médicos do Celta.
Esta lesión manterá o ariete portugués inactivo ao redor das seis semanas. Por outra banda, Paciencia sufriu tamén a fractura do cuarto e quinto metacarpianos da man dereita, da que foi intervido cirurxicamente durante a xornada de hoxe polos servizos médicos do R. C. Celta.
Gonzalo Paciencia entrou con bo pé no Celta, pero todo se foi torcendo nesta última semana. O futbolista, que nos últimos días sufriu molestias nos isquiotibiais, vítima da impotencia por esta circunstancia, golpeou unha parede de Balaídos, á conclusión da sesión vespertina deste martes, e rompeu dous ósos metacarpianos da man. Este mércores foi operado e agora espérase a coñecer o período de recuperación.
