Forzas moi parellas no empate de Ourense e Compostela

Ourense C. F. e Compostela empataron (1-1) no campo do Couto nun partido no que amosaron un gran equilibrio de forzas. Comezou con máis forza o cadro ourensán, xerando ocasións e marcando grazas a un tiro de Jerín desde a frontal. 

O Compostela foi bulindo e antes do descanso Cano tivo unha boa ocasión para o empate. Xa no segundo tempo a expulsión de Nacho Fariña condicionou o partido. O Ourense estaba cada vez máis atrás e iso aproveitouno o equipo de Fabiano para empatar cun tanto do central debutante Pablo Crespo.