Ferido un home tras ser atropelado por un tren en Monforte
O suceso tivo lugar nun paso a nivel situado á altura da rúa Eduardo Pondal e o home tivo que ser evacuado ao Hospital de Monforte
As 22:45 horas, un particular alertou o servizo de que un home acababa de ser alcanzado por un tren e necesitaba asistencia sanitaria urxente
Paso a nivel á altura da rúa Eduardo Pondal, en Monforte de Lemos, lugar onde aconteceu o atropelo (Google Maps)
Un home quedou ferido este domingo tras ser atropelado por un tren no municipio lucense de Monforte. O suceso tivo lugar nun paso a nivel situado á altura da rúa Eduardo Pondal e o home tivo que ser evacuado ao Hospital de Monforte.
Segundo informou o 112, eran as 22:45 horas cando un particular alertou o servizo de que un home acababa de ser alcanzado por un tren e necesitaba asistencia sanitaria urxente.
Deuse aviso a Urxencias Sanitarias de Galicia-061, aos bombeiros e á Policía Local de Monforte, ademais de á Policía Nacional e ao persoal de emerxencias de ADIF.
A circulación ferroviaria permaneceu cortada durante o operativo.
