Ferida unha persoa nunha explosión de gas nunha vivenda de Oroso
Ferida unha persoa nunha explosión de gas nunha vivenda de Oroso
A forte deflagración causou alarma entre os veciños, despois de que caesen cascotes sobre a vía pública
Unha forte explosión de gas provocou este martes alarma entre os veciños dun edificio de Sigüeiro, no municipio coruñés de Oroso, e tamén queimaduras leves a unha persoa.
Os feitos sucederon ao redor das 18:00 horas, cando varios particulares alertaron o 112 de que se producira unha forte explosión na Avenida da Grabanxa, á altura do número 13, e que caeran na rúa anacos dunha xanela.
Os veciños do edificio afectado saíron polo seu propio pé, aínda que indicaron que había unha persoa ferida, unha muller que necesitou asistencia médica por queimaduras de carácter leve nas mans.
Ademais do persoal de Urxencias Sanitarias de Galicia-061, o 112 Galicia pediu a colaboración dos Bombeiros de Ordes e dos voluntarios de Protección Civil da localidade. Tamén foron informados os axentes da Garda Civil.
A última hora da tarde, os efectivos do parque comarcal seguían traballando no punto, sobre todo á espera de recibir o técnico da empresa subministradora para comprobar o estado da instalación.
