O presidente da Xunta reduce a súa axenda tras o contacto estreito cun positivo

O presidente da Xunta reducirá a súa axenda esta semana ao ser contacto estreito dun positivo. Alberto Núñez Feijóo realizou unha proba PCR con resultado negativo e, ao ter a terceira dose da vacina, non está obrigado a facer corentena.

Segundo explicou a Xunta, o mandatario galego axustará a actividade institucional, xa que o protocolo do Sergas, recomenda extremar as precaucións e limitar as interaccións sociais. Mañá comparecerá de xeito telemático tras presidir o Consello da Xunta.