Feijóo di que o PSOE pretende tapar os seus supostos casos de corrupción coa comisión de investigación do Congreso

Para o líder do PP, os socialistas converteron a comisión de investigación no Congreso nunha farsa coa que, di Núñez Feijóo, pretenden tapar os seus supostos casos de corrupción.

"A comisión no Congreso transformouse nunha comisión para investigar os fiscais e cargos do PP que non teñen ningunha relación co sumario que se instrúe na Audiencia Nacional. É unha comisión para intentar tapar as presuntas prácticas corruptas do PSOE, poñer o ventilador e a ver se así a xente non se decata", di Feijóo.